వరంగల్ ఈస్ట్, ఆగస్టు 16 (జనం సాక్షి)కుమ్మరులు శాలివాహనులు అన్ని రంగాల్లో రాణించాలని రంగశాయిపేట శ్రీ శాలివాహన డెవలప్మెంట్ అండ్ వెల్ఫేర్ సొసైటీ అధ్యక్షుడు ఆవునూరి రవి అన్నారు. బుధవారం రంగసాయిపేటలోని వెల్ఫేర్ సొసైటీ భవనంలో 5వ మహాసభ సర్వసభ్య సమావేశాన్ని నిర్వహించారు. సొసైటీ ప్రధాన కార్యదర్శి కందికొండ మోహన్ అధ్యక్షత వహించిన ఈ కార్యక్రమంలో ఆవునూరి రవి మాట్లాడుతూ శాలివాహనులు కుమారులు ఆర్థికంగా సామాజికంగా రాజకీయంగా అన్ని రంగాల్లో ఎదగాలని అన్నారు. సొసైటీ అభివృద్ధికి సహకరించిన సభ్యులకు ప్రత్యేక కృతజ్ఞతలు తెలిపారు. భవిష్యత్తులో శాలివాహన డెవలప్మెంట్ అని వెల్ఫేర్ సొసైటీ ఆధ్వర్యంలో పలు సామాజిక సేవా కార్యక్రమాలు చేపట్టనున్నట్లు ఆయన తెలిపారు. ప్రధాన కార్యదర్శి కందికొండ మోహన్ మాట్లాడుతూ ఐకమత్యంగా ఉంటూ శాలివాహన డెవలప్మెంట్ సొసైటీ బలోపేతానికి ప్రతి ఒక్కరూ కృషి చేయాలని కోరారు. కేవలం ఆర్థికపరాంగానే కాకుండా శాలివాహనులు అన్ని రకాలుగా అభివృద్ధి చెందే విధంగా ఈ సొసైటీ గొప్ప వేదిక అవనున్నట్లు ఆయన తెలిపారు. అనంతరం కోశాధికారి ఆవునూరి కుమార్ 2021-2023 వార్షిక నివేదికను ప్రవేశపెట్టారు. ఈ సమావేశంలో ఉపాధ్యక్షులు ఆ (గడ్డం) కుమార్, సహాయ కార్యదర్శులు రాంబాబు, సహాయ కోశాధికారి బిక్షపతి, మల్లేశం,జనార్ధన్,లక్ష్మి, దేవేందర్, లింగమూర్తి తదితరులు పాల్గొన్నారు.