స్టేషన్ ఘనపూర్, సెప్టెంబర్ 18, ( జనం సాక్షి ) : విశ్వకర్మ జయంతి పురస్కరించుకొని జాతీయ స్కిల్ డెవలప్మెంట్ మినిస్ట్రీ అధ్వర్యంలో ఐటీఐ పాస్ అయిన విద్యార్థులకు డివిజన్ కేంద్రంలోని శ్రీ సాయి ఆదిత్య ఐటీఐ,శివునిపల్లిలో స్నాతకోత్స వం ఘనంగా నిర్వహించారు. ఈ కార్యక్రమానికి శివునిపల్లి టీఎస్ ఎన్పీడీసీఎల్  ఏఈ ప్రవీణ్ కు మార్ ముఖ్య అతిథిగా హాజరయి మాట్లాడుతూ విద్యార్థులు శిక్షణపొంది ఐటీఐ పాస్ అయిన వి ద్యార్థులు అందరూ మరింత శిక్షణ కొరకు అప్రెంటి స్ చెయ్యాలి అని,వారిస్కిల్ లో మరింత మెరుగు పరుచుకొని వృద్ధిలోకి రావాలని అన్నారు.ఆగస్టు  2022 లో నిర్వహించిన అఖిల భారత స్కిల్ పరీ క్షలో ఉత్తీర్ణులు అయిన విద్యార్థులకు సర్టిఫికెట్స్ ప్రధానము చెయ్యడం జరిగింది.ఈ కార్యక్రమానికి ప్రిన్సిపాల్ సాయి తేజస్విని అధ్యక్షత వహించగా, కార్యక్రమంలో చైర్మన్ పిల్లలమర్రి వెంకటేశం,కవ్వం గంభీర్ రెడ్డి, కవిత, విజయలక్ష్మి, సాయి వైష్ణవ్, శ్రవణ్ తదితరులు పాల్గొన్నారు.