ఆళ్లపల్లి ఆగష్టు12(జనం సాక్షి)

 ఆళ్ళపల్లి మండల అధికారులు తహసీల్దార్ మొహమ్మద్ సాదియా సుల్తానా, ఎంపీడీవో మందా మంగమ్మ, ఎస్సై పి.సంతోష్ ఆధ్వర్యంలో శుక్రవారం సామూహిక రక్షాబంధన్ కార్యక్రమం నిర్వహించారు. మండల కేంద్రము బస్టాండ్ సెంటర్ లో ఏర్పాటు చేసిన సామూహిక రాఖీ పండుగ వేడుకలకు స్థానిక ఎంపీపీ కోండ్రు మంజు భార్గవి ముఖ్య అతిథిగా హాజరైనారు. ఈ సామూహిక రక్షాబంధన్ కార్యక్రమానికి అనంతోగు గ్రామం కేజీబీవీ పాఠశాల సుమారు 50 మంది విద్యార్థినులు హాజరై, స్థానిక ప్రజాప్రతినిధులు, అధికారులు, నాయకులు, ఉద్యోగులు, వ్యాపారస్తులు, యువతకు ఏక కాలంలో రాఖీలు కట్టారు. ఈ కార్యక్రమంలో టీఆర్ఎస్ మధిర నియోజకవర్గం ఇంచార్జి బొమ్మెర రామ్మూర్తి, స్థానిక టీఆర్ఎస్ మండల నాయకులు ఎండీ.అతహార్, ఎస్.వజ్రేశ్వర్రావు, మాజీ ఉప సర్పంచ్ మొహమ్మద్ ఖయ్యుం, ఏఎస్ఐ వెంకట్ రెడ్డి, శ్రీనివాస్, జి.సుబ్బారావు, తదితరులు పాల్గొన్నారు.