సూపర్వైజర్ పద్మ

– దిబ్బగూడెం లో ఘనంగా సీమంతాలు
అశ్వారావుపేట, సెప్టెంబర్ 19( జనం సాక్షి)
గర్భిణీలు సాధారణ ప్రసవాలు జరిగేటట్టు జాగ్రత్తలు తీసుకోవాలని ఐసిడిఎస్ సూపర్వైజర్ పద్మ సూచించారు. అశ్వరావుపేట మండలంలోని మల్లాయిగూడెం పంచాయతీ దిబ్బగూడెం అంగన్వాడి సెంటర్లో సోమవారం ఐసిడిఎస్ ఆధ్వర్యంలో ఘనంగా నిర్వహించారు.రక్తహీనత లేకుండా ఉండాలంటే ఐరన్ మాత్రలు వాడాలని సూపర్వైజర్ పద్మ అన్నారు. క్రమం తప్పకుండా సకాలంలో వైద్య పరీక్షలు నిర్వహించుకోవాలని తెలిపారు. పోషక విలువలతో కూడిన అదనపు ఆహారం గర్భిణీలకు అవసరమని అన్నారు.అనంతరం సీమంతల వేడుకలు పసుపు కుంకుమ పూలు పండ్లు తో గర్భిణులను దీవించారు. ఈ కార్యక్రమంలో సర్పంచ్ నారం రాజశేఖర్, అంగన్వాడీ టీచర్లు శారద, సుజాత,వేదవతి, పోసమ్మ, ఆయా లు, గ్రామస్తులు తదితరులు పాల్గొన్నారు.