బిఆర్ ఎస్ పార్టీ యువత అధ్యక్షులు కోనాపూర్ సంతోష్ రావు

జనం సాక్షి /కొల్చారం
ఈనెల 23వ తేదీన మెదక్ లో సీఎం కేసీఆర్ పర్యటనను విజయవంతం చేసేందుకు ప్రతి ఒక్కరు కృషి చేయాలని కొల్చారం మండలం బి ఆర్ ఎస్ పార్టీ యువత అధ్యక్షులు కోనాపూర్ సంతోష్ రావు, బి ఆర్ ఎస్ పార్టీ ముఖ్యబి నాయకులు ముత్యం గారి సంతోష్ కుమార్, సీఎం పర్యటన మండల ఇంచార్జ్, మర్కుక్ ఎంపీపీ పండు గౌడ్ అన్నారు. మెదక్ జిల్లా మండల కేంద్రమైన కొల్చారం లోని జైన దేవాలయ ఆవరణలో మండల బి ఆర్ ఎస్ పార్టీ ముఖ్య కార్యకర్తల సమావేశం శుక్రవారం జరిగింది. ఈ సమావేశానికి మండలంలోని పలు గ్రామాల సర్పంచులు, ఎంపీటీసీలు, గ్రామ బి ఆర్ ఎస్ పార్టీ అధ్యక్షులు హాజరయ్యారు. సీఎం సభకు ఎమ్మెల్యే చిలుముల మదన్ రెడ్డి ఆదేశాల మేరకు కొల్చారం మండలం నుంచి 5000 మందిని తరలిస్తామని మండల బి.ఆర్.ఎస్ యువత అధ్యక్షులు కోనాపూర్ సంతోష్ రావు తెలిపారు. ఈ కార్యక్రమంలో సర్పంచులు గోదావరి, నెల్లికిష్టయ్య, ఏడుపాయల దేవస్థానం డైరెక్టర్ కొమ్ముల యాదాగౌడ్, మండల రైతు సమితి అధ్యక్షుడు భూపాల్ రెడ్డి, బి ఆర్ఎస్ పార్టీ ముఖ్య నాయకులు కాశీనాథ్, వేమారెడ్డి, గౌరీ శంకర్, సురేష్ గౌడ్, తుక్కాపూర్ ఆంజనేయులు, సోమ నరసింహులు, గోవర్ధన్ రెడ్డి, చంద్రశేఖర్ రెడ్డి, శేఖర్ గౌడ్, కమ్మరి పండరి, సుధీర్ రెడ్డి తదితరులు పాల్గొన్నారు.