రామకృష్ణాపూర్ , (జనంసాక్షి): రంగారెడ్డి జిల్లా శంషాబాద్ లో నిర్వహిస్తున్న తెలంగాణ రాష్ట్ర మూడో మహాసభలకు క్యాతన్ పల్లి మున్సిపాలిటీ సిపిఐ నాయకులు భారీగా తరలి వెల్లారు. ఈ సందర్భంగా సిపిఐ పార్టీ జిల్లా కార్యదర్శి ఆదివారం రామడుగు లక్ష్మణ్ సిపిఐ పార్టీ పట్టణ కార్యదర్శి మిట్టపల్లి శ్రీనివాస్ లు మాట్లాదారు. తెలంగాణ రాష్ట్ర మహాసభల సందర్భంగా శంషాబాద్ జిల్లా పరిషత్ హై స్కూల్ గ్రౌండ్ లో భారీ ప్రదర్శన, బహిరంగ సభ నిర్వహించడం జరుగుతున్నదన్నారు. ఈ బహిరంగ సభలో సిపిఐ పార్టీ జాతీయ ప్రధాన కార్యదర్శి కామ్రేడ్ డి రాజా, జాతీయ నాయకులు రాష్ట్ర కార్యదర్శి చాడ వెంకటరెడ్డి, పాల్గొని కేంద్ర, రాష్ట్ర ప్రభుత్వాలు అవలంబిస్తున్నటువంటి విధానాలపై వివరించడం జరుగుతుందని తెలిపారు. అదేవిధంగా ఐదు, ఆరు, ఏడవ తేదీలలో సుమారు వెయ్యి మంది ప్రతినిధులతో, ప్రతినిధుల సభ నిర్వహించుకోవడం జరుగుతుందని పేర్కొన్నారు. ఈ ప్రతినిధుల సభలో భవిష్యత్ ఉద్యమ కార్యాచరణ, భవిష్యత్ పోరాటాలు, రాష్ట్ర అభివృద్ధి పై పలు తీర్మానాలు చేయనున్నట్లు తెలిపారు.ఈ మహాసభల్లో నూతన కార్యవర్గం, నూతన కమిటీని ఎన్నుకోవడం జరుగుతుందన్నారు. ఈ మహాసభలకు తరలివచ్చిన పార్టీ కార్యకర్తలకు, నాయకులకు, సానుభూతిపరులకు అన్ని విధాల సహకరించిన ప్రతి ఒక్కరికి ధన్యవాదాలు తెలిపారు.
ఈ కార్యక్రమంలో సిపిఐ జిల్లా కార్యవర్గ సభ్యులు ఇప్పకాయల లింగయ్య, సిపిఐ జిల్లా సమితి సభ్యులు వనం సత్యనారాయణ, నక్క వెంకటస్వామి, దుర్గం దేవదాసు, కిష్టయ్య, కాదండి సాంబయ్య, రాంపల్లి రాజం, తోకల రాజన్న, మల్లేష్, గుడిసెల గురువయ్య,డి హెచ్ పి ఎస్ జిల్లా సహాయ కార్యదర్శి మారెపల్లి రవి, ప్రజానాట్యమండలి రాష్ట్ర సమితి సభ్యులు మామిడి గోపి, నాయకులు కొమరయ్య, క్యాతరాజు ప్రభాకర్, యండి పాషా, కారుకూరి రాయలింగు, నాయకులు రవీందర్, మామిడాల సతీష్, గోత్త గిరిప్రసాద్ తదితరులు పాల్గొన్నారు.