రైతు సంఘం ఆధ్వర్యంలో తహసీల్దార్ కు వినతి

చేర్యాల (జనంసాక్షి) అక్టోబర్ 18 : చేర్యాలలో పత్తి సీసీఐ కొనుగోలు కేంద్రాన్ని వెంటనే ప్రారంభించాలని తెలంగాణ రాష్ట్ర రైతు సంఘం చేర్యాల మండల కార్యదర్శి కత్తుల భాస్కర్ రెడ్డి కోరారు. మంగళవారం చేర్యాల తహసిల్దార్ ఆరిఫా కు వినతి పత్రం అందజేశారు. ఈ సందర్భంగా కత్తుల భాస్కర్ రెడ్డి మాట్లాడుతూ.. మండల వ్యాప్తంగా పదివేల ఐదు వందల ఎకరాల్లో పత్తి సాగు చేసి ఉన్నారని, వెంటనే పత్తి సీసీఐ కొనుగోలు కేంద్రాన్ని ప్రారంభించాలని వినతిపత్రంలో పేర్కొన్నారు. ఈ కార్యక్రమంలో నాయకులు కత్తుల నరసింహారెడ్డి, చెలుకాల కమలాకర్ రెడ్డి, ఆరుట్ల లింగం వివిధ గ్రామాల రైతులు పాల్గొన్నారు.