రామకృష్ణాపూర్, (జనంసాక్షి) : సింగరేణి సంస్థ 2021-22 ఆర్థిక సంవత్సరానికి గాను సాధించిన లాభాల్లో 30% వాటాను, సింగరేణి ఉద్యోగులకు దసరా కానుకగా అందిస్తున్న తెలంగాణ ముఖ్యమంత్రి కేసీఆర్ కు కృతజ్ఞతలు తెలియజేస్తూ చెన్నూరు నియోజకవర్గం, మందమర్రి డివిజన్ టీబీజీకేఎస్ ఆధ్వర్యంలో బుధవారం ముఖ్యమంత్రి కేసీఆర్ గారి చిత్రపటానికి పాలాభిషేకం చేసి, కార్మికులు సంబరాలు జరుపుకున్నారు. అనంతరం టీ.బీ.జీ.కే.ఎస్. నాయకులు మాట్లాడుతూ ముఖ్యమంత్రి కార్మికుల పక్షపాతి గా వారు కొనియాడారు. తెలంగాణ సాధించుకున్న తరవాత సింగరేణి అనూహ్యమైన లాభాల్లో సీ.ఎం.ఆలోచనా ధోరణితో సాధ్యపడిందని వారు అన్నారు. ఈ కార్యక్రమంలో నాయకులు, కార్మికులు, తెరాస అభిమానులు తదితరులు పాల్గొన్నారు.