*ఆజాదీ కా అమృత్ మహోత్సవాలు*

*మహదేవపూర్, ఆగస్ట్ 13 (జనంసాక్షి)* వజ్రోత్సవ ద్విసప్తాహం సంబురాలలో భాగంగా మహాదేవపూర్ మండలం సూరారం గ్రామంలో సర్పంచ్ నాగుల లక్ష్మారెడ్డి ఆధ్వర్యంలో ర్యాలీ నిర్వహించారు. స్వాతంత్ర్య భారత్ వజ్రోత్సవ స్ఫూర్తి నింపేలా ఎస్ ఎస్ వీ ఎం పాఠశాల విద్యార్థులతో జాతీయ జెండాలతో ఊరేగింపు జరిపారు. విద్యార్థులతో పాటు గ్రామస్తులు దేశ భక్తి  స్లోగన్స్ ఇస్తూ గ్రామంలో ర్యాలీ చేసారు. ఈ సందర్బంగా సర్పంచ్ నాగుల లక్ష్మారెడ్డి మాట్లాడుతూ తెల్లదొరల నుండి బానిస సంకెళ్ళు తెంపడానికి ఎందరో మహానుభావులు అసువులు బాసారన్నారు. వారి త్యాగ ఫలంతో నేడు మనం స్వతంత్రులమై జీవిస్తున్నామని అందుకు వారికి ధన్యులమై ఉండాలని అన్నారు. ఈ కార్యక్రమంలో సర్పంచ్ లక్ష్మారెడ్డితో పాటు ఉప సర్పంచ్ రమేష్ రెడ్డి, ఎస్ ఎస్ వీ ఎం స్కూల్ టీచర్స్, పంచాయతీ సెక్రటరీ అంజలి, పీ ఎస్ ప్రధానోపాధ్యాయులు లచ్చిరెడ్డి, కారోబార్ రాజమౌళి, ఎల్లంకి రవీందర్, ఆశా వర్కర్లు, అంగన్వాడీ టీచర్లు తదితరులు పాల్గొన్నారు.