గరిడేపల్లి, ఆగస్టు 29 (జనం సాక్షి): హైదరాబాద్ లోని పొట్టి శ్రీరాములు విశ్వ విద్యాలయంలో ఆర్కే కళ సాంస్కృతిక ఫౌండేషన్ ఆధ్వర్యంలో సినీ నటుడు సుమన్ జన్మదినం సందర్భంగా ఏర్పాటు చేసిన నాట్య గణపతికి నాట్య నీరాజనాలు స్వర్ణ కంకణ మహోత్సవం కార్యక్రమంలో సాంస్కృతిక కళాకారులకు అవార్డు ప్రదానం చేశారు. కేఎల్ఆర్ ఫౌండేషన్ చైర్మన్ కేతిరెడ్డి శకుంతల రెడ్డి చేస్తున్న సేవను గుర్తించి రాష్ట్ర పర్యాటక అభివృద్ధి సంస్థ చైర్మన్ ఉప్పల్ శ్రీనివాస్ గుప్తా చేతులు మీదుగా అవార్డును అందుకున్నారు. ఈ కార్యక్రమంలో సినీ నటుడు పూజ, దీక్షిత, కరాటి లక్ష్మి, మాజీ న్యాయమూర్తి  మూర్తి, కె ఎల్ ఆర్ సభ్యులు విష్ణు ,శోభన్ ,బాబు, శ్రీరామ్ తదితరులు పాల్గొన్నారు.