ఘనంగా మాజీ ముఖ్యమంత్రి వైయస్ రాజశేఖర్ రెడ్డి వర్ధంతి

ఇటిక్యాల (జనంసాక్షి) సెప్టెంబర్ 2 : మండల పరిధిలోని ఎర్రవల్లి చౌరస్తాలో అలంపూర్ తాలూకా యూత్ కాంగ్రెస్ అధ్యక్షులు జోగుల రవి ఆధ్వర్యంలో శనివారం ఉమ్మడి ఆంధ్రప్రదేశ్ మాజీ ముఖ్యమంత్రి వైఎస్ రాజశేఖర్ రెడ్డి వర్ధంతి వేడుకలు ఘనంగా నిర్వహించారు. ఈ సందర్భంగా ఎర్రవల్లి చౌరస్తాలో వైయస్ రాజశేఖర్ రెడ్డి చిత్రపటాన్ని ఏర్పాటు చేసి పూల మాలలు వేసి ఘనంగా నివాళులు అర్పించారు. అనంతరం జోగుల రవి మాట్లాడుతూ వైయస్ రాజశేఖర్ రెడ్డి పేద, బడుగు బలహీన వర్గాల ప్రజల అభివృద్దే లక్ష్యంగా కృషి చేసిన మహనీయులు అని కొనియాడారు. ఈ కార్యక్రమంలో కాంగ్రెస్ పార్టీ నాయకులు వెంకటన్న, ఎర్రవల్లి మండలం అధ్యక్షులు పుటాన్ దొడ్డి వెంకటేష్, ఉపాధ్యక్షులు కొండేరు వెంకటేష్, అనిల్, అంజి, పరశురాం, చిన్న జయరాం, నరేష్, పరశురాం, కృష్ణయ్య తదితర కాంగ్రెస్ కార్యకర్తలు పాల్గొన్నారు.