పుట్టిన ఊరు పై మమకారం పెంచుకోవడం అభినందనీయం
ఎంఈఓ బాలాజీ నాయక్.
మిర్యాలగూడ, జనం సాక్షి.
పుట్టిన ఊరు పై మమకారం పెంచుకోవడం అభినందనీయమని మండల విద్యాధికారి ఎం బాలాజీ నాయక్ తెలిపారు. తక్కెళ్ళపాడు వాస్తవ్యుడు నాగర్ కర్నూల్ జిల్లా తెలకపల్లి సబ్ ఇన్స్పెక్టర్ వి సతీష్ కుమార్ తక్కెళ్లపాడు ప్రభుత్వ పాఠశాల విద్యార్థిని విద్యార్థులకు పదివేల రూపాయలతో పాఠశాల విద్యార్థులకు నోటుబుక్కులు వారి మాతృమూర్తి ధనమ్మ చేతుల మీదుగా బహుకరించారు. ఈ సందర్భంగా మండల విద్యాధికారి ఎం బాలాజీ నాయక్ మాట్లాడుతూ కరుడుగట్టిన పోలీస్ వృత్తిలో రాణిస్తూనే పుట్టిన, సొంత గ్రామం పై మమకారంతో విద్యార్థుల అవసరాలు తీర్చుటకు ముందుకు రావడం అభినందనీయమని మునుముందు పాఠశాల అభివృద్ధికి పూర్తిస్థాయిలో సహకరించుటకు కృషి చేస్తాననడం గర్వకారణమని తెలిపారు. ఉపాధ్యాయులు దాతల సహకారంతో విద్యార్థులకు విద్యాసామాగ్రి సమకూర్చుకొని అభ్యసన సామర్ధ్యాలను మెరుగుపరిచి సమాజ సభ్యులకు దగ్గర కావాలని కోరారు. ఈ కార్యక్రమంలో స్కూల్ కాంప్లెక్స్ ప్రధానోపాధ్యాయులు ఎం తిరుపతి, బి లక్ష్మణ్ నాయక్, ఎల్ వెంకన్న, పాఠశాల ప్రధానోపాధ్యాయులు నాగయ్య, ఎస్ శ్రీనివాసులు, వీరయ్య, రమాదేవి ,వెంకటయ్య తదితరులు పాల్గొన్నారు.
