గణేష్ మండపాల నిర్వాహకులు పోలీసుల సూచనలు పాటించాలి

-గణేష్ ల ఏర్పాటుకు తప్పనిసరి అనుమతి తీసుకోవాలి

-సీ ఐ జనార్ధన్

మద్దూరు సెప్టెంబర్ 15 (జనం సాక్షి)కోసి సర్కిల్ పరిధిలోని
గణేష్ మండపాల నిర్వాహకులు పోలీసుల సూచనలు పాటించాలని , గణేష్ల ఏర్పాటుకు పోలీసుల అనుమతి తీసుకోవాలని సిఐ జనార్ధన్ తెలిపారు . ఈ సందర్భంగా సిఐ మాట్లాడుతూ పోలీస్ శాఖ రూపొందించిన గణేష్ మండపం నిర్వహణకు సంబంధించిన ఆన్లైన్ ఇన్ఫర్మేషన్ అనేది కేవలం మండపం నిర్వహణ , మండపమునకు సంబంధించిన సమాచారం కొరకు మాత్రమే రూపొందించినదని అన్నారు . గణేష్ ఏర్పాటుకు అనుమతి కోసం టిఎస్ పోలీస్ పోర్టల్ సైట్ నందు వివరాలను పొందుపరచాలని సూచించారు . గణేష్ విగ్రహం ప్రతిష్టించిన నుండి నిమజ్జనం వరకు పోలీసు బందోబస్తు ఏర్పాటు చేయడం జరుగుతుందని తెలిపారు . సామాజిక మాధ్యమాలలో వచ్చే ఎలాంటి రూమర్స్ వదంతులను నమ్మకూడదని ఎవరికైనా ఎలాంటి సందేహాలు ఉన్న సంబంధిత పోలీసులకు లేదా డయల్ 100 లేదా పోలీస్ కంట్రోల్ రూమ్ 8712670399 కు సమాచారం అందించాలని సూచించారు . గణేష్ ఉత్సవాలను ప్రజలు భక్తిశ్రద్ధలతో జరుపుకోవాలని , నిమజ్జనం ఉత్సవాలను అందరూ శాంతియుతంగా నిర్వహించుకోవాలని ఆయన సూచించారు .