నిజామాబాద్‌ : నిజామాబాద్‌ ఎల్లమ్మగుట్ట చౌరస్తాలోని యూనివర్‌సెల్‌ సెల్‌పోన్ల షాపులో భారీ చోరీ జరిగింది.దుండగులు ఇనుపరాడుతో షాపు షట్టర్‌ను పగులగొట్టి లోపలికి చొరబడ్డారు. షాపులోని కౌంటర్‌లో ఉన్న రూ.లక్ష నగదుతో పాటు ఖరీదైన సెల్‌ఫోన్లను ఎత్తుకెళ్లారు. షాపులో ఎక్కడ ఏముంటాయనే విషయాన్ని గుర్తించిన వారే ఈ దొంగతనానికి పాల్పడుతారని పోలీసులు అనుమానిస్తున్నారు. ఘటనా స్థలికి చేరుకున్న పోలీసులు క్లూస్‌ టీం ,డాగ్‌స్క్వాడ్‌ల సాయంతో ఆధారాలు సేకరిస్తున్నారు.