సదాశివపేట జనవరి 9(జనం సాక్షి)రేషన్ షాపులో బియ్యం తెచ్చుకోవాలంటే సాధారణంగా వెంట బ్యాగ్ తీసుకెళ్తారు. కానీ ఇప్పుడు ఆ అవసరం లేదు. ఎందుకంటే తెలంగాణ రాష్ట్ర ప్రభుత్వం రేషన్ కార్డుదారులకు పర్యావరణహిత బ్యాగులు పంపిణీ చేయాలని నిర్ణయించింది. అందులో భాగంగా శుక్రవారం మండలంలోని నందికంది గ్రామాల్లో గ్రామ సర్పంచ్ రాచర్ల స్రవంతి విజయభాస్కర్ రెడ్డి ఆధ్వర్యంలో రేషన్ కార్డుదారులకు బ్యాగులు అందజేశారు. ఈ సందర్భంగా వారు మాట్లాడుతూ ప్రతినెల రేషన్ బియ్యం కోసం వెళ్లేటప్పుడు బ్యాగులు తీసుకెళ్తే సరిపోతుందన్నారు. తెలంగాణ ప్రజా ప్రభుత్వం ముఖ్యమంత్రి రేవంత్ రెడ్డి సారధ్యంలో హామీ ఇచ్చిన 6 గ్యారంటీల అమలుతో పాటు అనేక సంక్షేమ పథకాలను అందిస్తుందని తెలిపారు. ఈ కార్యక్రమంలో ఉప సర్పంచ్, వార్డ్ మెంబర్లు, గ్రామ నాయకులు, రేషన్ కార్డ్ దారులు పాల్గొన్నారు.