బోధన్, (జనంసాక్షి) : బోధన్ మండలం హంగర్గా గ్రామంలోని అంగన్వాడి కేంద్రంలో మంగళవారం హంగర్గ అంగన్వాడి టీచర్ సరిత ఆధ్వర్యంలో పోషణ పక్వాడ కార్యక్రమాన్ని ఘనంగా నిర్వహించారు. కార్యక్రమంలో భాగంగా తల్లులకు చిరుధాన్యాల వల్ల కలిగే ప్రయోజనాల గురించి అవగాహన కల్పించారు. పరిసరాలలో దొరికే తాజా ఆకుకూరలు, కూరగాయలు తినాలని, పోషక విలువలు కలిగిన ఆహారం ప్రతిరోజూ తీసుకోవాలని చెప్పటం జరిగింది. గర్భిణీ గర్భం దాల్చిన రోజు నుండి బిడ్డ పుట్టిన 2 సంవత్సర లోపు1000 రోజులు గోల్డెన్ డేస్ గురించి చెప్పటం జరిగింది. చిన్నారులకు అన్నప్రాసన కార్యక్రమంను నిర్వహించడంతో పాటు విద్యార్థుల ప్రతిభ కార్డులను తల్లిదండ్రులకు అంగన్వాడి టీచర్ సరిత అందించారు. ఈ కార్యక్రమంలో అంగన్వాడి టీచర్లు సరిత, మహమ్మదీ బేగం, ఆయాలు వినోద, సంగీత, చిన్నారుల తల్లులు పాల్గొన్నారు.