పెద్దవంగర ఆగష్టు 25( జనం సాక్షి) అర్హులైన అందరూ నూతన ఓటు హక్కు నమోదు చేసుకోవాలని తహసిల్దార్ మహేందర్ అన్నారు.శుక్రవారం మండల కేంద్రంలోని తహసీల్దార్ కార్యాలయంలో తహసీల్దార్ విలేకరులతో మాట్లాడుతూ
ఎలక్షన్ కమిషన్ ఆదేశాల మేరకు ఈనెల 26-08-2013 మరియు 27-08-2023 శని, ఆదివారములలో ప్రతి పోలింగ్ కేంద్రములో మొదటి ” ‘స్పెషల్ క్యాంపెనింగ్, మరియు వచ్చేనెల సెప్టెంబర్ లో 02-09-2023, 03-09-2023 శని, ఆదివారములత రెండవ స్పెషల్ క్యాంపెనింగ్ జరుగుతాయని అన్నారు.
ఇందుకు గాను ప్రతి బూతు స్థాయి అధికారి వారి పోలింగ్ కేంద్రాలలో ఉదయం గం.9.00 ల నుండి సా. 5.00. వరకు అందుబాటులో ఉంటారని ఇట్టి స్పెషల్ క్యాంపేన్ లో ఓటరు నమోదు కొరకు ఫారం – 6, తొలగింపులకు ఫారం-7, సవరణలకు ఫారం-8 ద్వారా ధరకాస్తు చేసుకోవాలని తెలిపారు.
కావున స్థానిక మండలములో గల కొత్త ఓటరు నమోదులు, మరియు తొలగింపులు, సవరణల నిమిత్తము మీ గ్రామాలలో గల పోలింగ్ కేంద్రములో భూతు స్థాయి అధికారులను సంప్రదించవలసినదిగా తహసీల్దార్ ప్రజలకు విజ్ఞప్తి చేశారు