ఇసుక లారీ ఢీ కొట్టి చనిపోయిన గేదెలకు నష్టపరిహారం చెల్లించాలి

జనంసాక్షి, మంథని : పెద్దపల్లి జిల్లామంథని మండలం రచ్చపల్లి గ్రామానికి చెందిన సింగనవెణ లింగేష్ అనే రైతుకు చెందిన ఆరు (6) గేదెలు మంథని మున్సిపాలిటీ పరిధిలోని గిరిజన గురుకుల కళాశాల ముందు ఇసుక లారీ ఢీకొనడంతో నాలుగు (4) గేదలు మృత్యువాత పడడం జరిగింది. 2 ప్రాణాలతో పోరాడుతున్నాయి అని, పాడి రైతు కుటుంబానికి నష్టపరిహారం చెల్లించాలని కుటుంబ సభ్యులతో కాంగ్రెస్ కిసాన్ సెల్ పార్టీ, సిపిఎం ఆధ్వర్యంలో రాస్తారోకో నిర్వహించడం జరిగింది. ఈ సందర్భంగా నాయకులు మాట్లాడుతూ.. మంథనిలో ఇసుక మాఫియా చెలరేగిపోతుందని అన్నారు. ఇసుక లారీలు మద్యం మత్తులో, అధిక లోడు, మరియు అత్యంత వేగంగా వెళ్లడం వల్లనే ఈ ప్రమాదాలు జరుగుతున్నాయని అన్నారు. మంథని మండలంలో ఇసుక మాఫియాను అరికట్టడంలో సంబంధిత అధికార యంత్రాంగం పూర్తిగా విఫలమైందని అన్నారు. వెంటనే మూగజీవుల చావుకు కారణమైన లారీని, ఆ డ్రైవర్ పై క్రిమినల్ కేసు నమోదు చేసి చర్యలు తీసుకోవాలని, పాడి రైతు కోల్పోయిన ఆరు(6) గేదెలకు నష్టపరిహారం చెల్లించాలని డిమాండ్ చేశారు. ఈ కార్యక్రమంలో సిపిఎం జిల్లా కమిటీ సభ్యుడు బూడిద గణేష్, సిపిఎం నాయకులు ఆర్ల సందీప్, కాంగ్రెస్ కిసాన్ సెల్ జిల్లా చైర్మన్ ముస్కల సురేందర్ రెడ్డి, నాయకులు కిరణ్ ,శ్రీనివాస్ పాల్గొన్నారు.