ఐకేపీ ఆధ్వర్యంలో వరి కొనుగోలు కేంద్రం ప్రారంభం

ఐకేపీ ఆధ్వర్యంలో వరి కొనుగోలు కేంద్రం ప్రారంభం

ఇటిక్యాల (జనంసాక్షి) నవంబర్ 29 మండల పరిధిలోని బీచుపల్లి గ్రామంలో మహిళా సమాఖ్య (ఐకేపీ) ఆధ్వర్యంలో వరి ధాన్యం కొనుగోలు కేంద్రాన్ని మంగళవారం ఏర్పాటు చేశారు. ఈ కార్యక్రమానికి స్థానిక సర్పంచ్ నరసమ్మ హాజరై వరి ధాన్యం కొనుగోలు కేంద్రాన్ని ప్రారంభించారు. ఈ సందర్భంగా ఆమె మాట్లాడుతూ రైతులకు కొనుగోలు కేంద్రం దగ్గర ఉండి అధికారులకు సహకరించాలన్నారు. అలాగే ప్రభుత్వం నిర్దేశించిన ప్రకారమే ఎక్కువ తేమ లేకుండా వరి ధాన్యాన్ని విక్రయించాలన్నారు. ఈ కార్యక్రమంలో ఐకేపీ ఎపిఎం శోభారాణి, వ్యవసాయ విస్తరణ అధికారి మౌనిక, రైతులు గొల్ల నరసింహులు, సుధాకర్ రెడ్డి, మహిళా సమైక్య సభ్యులు మరియు గ్రామస్థులు పాల్గొన్నారు.