శివ్వంపేట జూలై 14 జనంసాక్షి : శివ్వంపేట మండలం గూడూర్ గ్రామ పంచాయతీ పరిధిలో ఉన్న కస్తూర్బా గాంధీ బాలికల పాఠశాల, హాస్టళ్లకు దివంగత ఎంపీపీ జిన్నారం పెద్దగౌని అశోక్ కుమార్ 24వ వర్ధంతీని పురస్కరించుకొని, అశోక్ కుమార్ ఎడ్యుకేషన్ సొసైటీ, ప్రముఖ హైకోర్టు న్యాయవాది ప్రసాద్ చారిటబుల్ ట్రస్ట్ వ్యవస్థాపక చైర్మన్ జిన్నారం పెద్దగౌని శివ కుమార్ గౌడ్ ఆధ్వర్యంలో శుక్రవారం అశోక్ కుమార్ సమాధి వద్ద సూర్య కుమార్ గౌడ్, శ్రీనివాస్ గౌడ్ అశోక్ కుమార్ అభిమానులు ఘన నివాళులర్పించారు. ఆ తర్వాత వారందరూ కస్తూర్బా గురుకుల పాఠశాలకు చేరుకొని విద్యార్థులకు పండ్లు, బిస్కెట్లు పంపిణీ చేశారుఈ సందర్భంగా కస్తూర్బా కాంపౌండ్ వాల్ చుట్టూ సోలార్ ఫెన్సింగ్ ఏర్పాటు చేయడం జరిగింది. కొంతకాలంగా విద్యార్థులు, పాఠశాల సిబ్బంది, ఉపాధ్యాయులు, కోతుల వల్ల నానా ఇబ్బందులు పడుతున్న విషయాన్ని పాఠశాల ప్రత్యేక అధికారి మంజుల ప్రసాద్ ట్రస్ట్ వ్యవస్థాపక చైర్మన్ శివ కుమార్ గౌడ్ దృష్టికి తీసుకువెళ్లారు. దీంతో ఆయన స్పందించి అతి త్వరలో సోలార్ ఫెన్సింగ్ ఏర్పాటు చేస్తానని హామీ ఇచ్చారు. ఇందులో భాగంగానే అశోక్ కుమార్ వర్ధంతి సందర్భంగా సోలార్ ఫెన్సింగ్ ఏర్పాటు చేయడం జరిగింది. వీలైనంత సమయంలోనే నర్సాపూర్ ఎమ్మెల్యే మదన్ రెడ్డి, రాష్ట్ర మహిళా కమిషన్ సునీతా లక్ష్మారెడ్డి ల చేతుల మీదుగా సోలార్ ఫెన్సింగ్ ను మనం ప్రారంభించడం జరుగుతుందని శివకుమార్ గౌడ్ తెలియజేశారు. ఈ కార్యక్రమంలో స్థానిక సర్పంచ్ స్వరాజ్యలక్ష్మి శ్రీనివాస్ గౌడ్, సూర్య కుమార్ గౌడ్, కొత్తపేట వెంకటేష్,మురళీ సత్యనారాయణ, అర్జున్, వంజరి కొండల్, గ్రామస్తులు పెద్ద సంఖ్యలో పాల్గొన్నారు.