హైదరాబాద్,ఏప్రిల్‌18: హైదరాబాద్‌లో మూడు రోజుల క్రితం కిడ్నాపైన లలిత(13) అనే బాలిక సోమవారం తెల్లవారుజామున ఆత్మహత్య చేసుకుంది. గుర్తుతెలియని దుండగులు బాలికను కిడ్నాప్‌ చేసి కారులో తరలిస్తుండగా మహబూబ్‌నగర్‌ జిల్లాలో ట్రాఫిక్‌ పోలీసులు రక్షించారు. అనంతరం పోలీసులు మహబూబ్‌నగర్‌ జిల్లా దామరగిడ్డ మండలం బొమ్మన్‌పాడు గ్రామంలో ఉన్న తల్లిదండ్రులకు అప్పగించారు. అయితే తర్వాత ఏమైందో తెలీదు కానీ.. బాలిక సోమవారం ఉదయం ఉరికి వేలాడుతూ కనపడింది. బాలిక తల్లిదండ్రులు హైదరాబాద్‌లో కూలీ పనులు చేసుకుంటూ జీవనం సాగిస్తున్నారు.ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు. బాలిక ఉరేసుకోవడంపై గ్రామంలో పలువురు ఆందోలన వ్యక్తం చేశారు.
