కొండ మీద రెడ్ సీ చూశారా?
ఎరుపు రంగులో చెక్క ఇళ్లు.. భూమికి 12,500 అడుగుల ఎత్తులో?
లారంగ్ ఘర్ బౌద్ధ అకాడమీని చూస్తే షాకవుతారు. చీమల పుట్టలా చిన్న చిన్న ఇళ్లు కనిపిస్తాయి. కొండ చివర్లో నిర్మించిన చెక్క ఇళ్లను చూసేందుకు రెండు కళ్లు ఏమాత్రం చాలవు. వాయువ్య చైనాలో పర్వత ప్రాంతంలోవున్న లారంగ్ గార్ బౌద్ధ అకాడమీ ప్రపంచం మొత్తమ్మీద అతి పెద్దదైన ఈ టిబెటన్ బౌద్ధారామంలో పదివేల మందికిపైగా బౌద్ధ సన్యాసులు, సాధువులు నివసిస్తుంటారు.
ఈ ఇళ్ల నివాసం కంటికి అందంగా కనిపిస్తున్నా.. వాళ్లంతా ఇరుకైన చిన్న ఇళ్లల్లో చాలా క్లిష్టమైన పరిస్థితుల్లో అరకొర సౌకర్యాలతో కొండవాలు ప్రాంతాల్లో ఇబ్బందులు ఎదుర్కొంటున్నారు. గుంపులు గుంపులుగా ఎరుపు రంగులో కనిపించే ఈ ఇళ్లు చూసేందుకు అందంగా ఉన్నా.. వారి అసౌకర్యాలను మాత్రం మన కంటికి కనిపించవు.
1980 నుంచి బౌద్ధ భిక్షవులు ఈ ప్రాంతంలో నివాసముంటున్నారు. 40వేల మంది బౌద్ధభిక్షవులు ఇక్కడ నివాసముంటున్నారు. ప్రపంచంలోనే అతి పెద్ద బౌద్ధ నివాస ప్రాంతంగా ఇది నిలిచింది.
