బెల్లంపల్లి, ఏప్రిల్ 30 (జనంసాక్షి )తమ డిమాండ్ల సాధన కోసం వీవోఏలు చేపట్టిన రిలే నిరాహార దీక్షలు ఆదివారం నాటికి 14వ రోజుకు చేరుకున్నాయి. బెల్లంపల్లి నియోజకవర్గంలోని అన్ని మండల కేంద్రాల్లో ఐకేపీ వీవోఏలు నిరసన దీక్షలు కొనసాగిస్తున్నారు. నెన్నెలలో వీవోఏల దీక్ష శిబిరంలో ఐకేపీ వీవోఏలు ఆకులు తిని నిరసన వ్యక్తం చేశారు. ఈసందర్భంగా వీవోఏల యూనియన్ మహిళా నాయకురాలు చుంచుల మల్లేశ్వరి మాట్లాడుతూ ఏళ్ల తరబడి చాలీ చాలని వేతనాలతో బతుకు బండిని లాగిస్తున్నామని, కనీస వేతనాలు, ఉద్యోగ భద్రత, గుర్తింపు కార్డులు ఇవ్వాలని ఏళ్ల తరబడి డిమాండ్ చేస్తున్నా ప్రభుత్వం పట్టించుకోక పోవడంతో బాధాకరం అన్నారు. వీవోఏల ఉద్యమానికి అన్ని పార్టీలు అండగా నిలవాలని అన్నారు. డిమాండ్లు నెరవేరేలా ప్రభుత్వంపై ఒత్తిడి తెచ్చి డిమాండ్లను సాదించాలన్నారు. ఈ నిరసన కార్యక్రమంలో యూనియన్ నాయకులు కోట శంకర్, కౌటారపు భీమన్న,పోషమల్లు, వీవోఏలు పాల్గొన్నారు.
