ఆదిలాబాద్‌,మార్చి9(జ‌నంసాక్షి): ఆదిలాబాద్‌ జిల్లా తాండూరు పోలీస్‌ స్టేషన్‌ ఎదుట ఓ ఉన్మాది వీరంగం సృష్టించాడు. ఇద్దరిపై గొడ్డలితో దాడి చేయడంతో వారు తీవ్రంగా గాయపడ్డారు. అంతకుముందు కారు డ్రైవర్‌ చేయి నరికి పీఎస్‌కు వచ్చాడు.అయితే గంట నుంచి పోలీస్‌స్టేషన్‌ వద్ద గొడ్డలితో హల్‌చల్‌ చేసాడు. . ఉన్మాది గొడ్డలి చేత పట్టుకుని అందరిని హడలెత్తించాడు. దీంతో ప్రజలు భయభ్రాంతులకు గురయ్యారు. పోలీసులను కూడా బెదరిస్తూ అటూఇటూ తిరుగుతూ బీభత్సం సృష్టించాడు. దీంతో ప్రజలు అతడిని పట్టుకుని దేహశుద్ది చేశారు.