కడప జిల్లాలోని వేంపల్లి సమీపంలోని SNR కళ్యాణ మండపం వద్ద రోడ్డు ప్రమాదం జరిగింది.  HP గ్యాస్ లోడుతో వెళ్తున్న లారీ బోల్తా పడింది. అనంతపురం నుంచి లక్కిరెడ్డిపల్లికి వెళ్తుండగా ఈ ఘటన జరిగినట్లు తెలుస్తుంది. గ్యాస్ లీక్ అయితే ఏదైనా ప్రమాదం జరుగుతుందేమో అని సమీపంలో నివాసం ఉంటున్న స్థానిక ప్రజలు భయాందోళనకు గురైయ్యారు. దీంతో స్థానికుల ఫైర్ సిబ్బందికి సమాచారం అందించారు. హుటాహుటిన ఘటనా స్థలం వద్దకు ఫైర్ సిబ్బంది చేరుకున్నారు. నిద్రమత్తు కారణంగానే ఈ ప్రమాదం జరిగిందని పలువురు అనుమానం వ్యక్తం చేస్తున్నారు. ఈ ఘటన గూర్చి పూర్తి వివరాలు తెలియాల్సి ఉంది.