తిరుమలగిరి (సాగర్) జులై 14 (జనం సాక్షి): మండల కేంద్రంలోని మండల పరిషత్ కార్యాలయం ఎదుట తొమ్మిది రోజులుగా నిరసన తెలుపుతున్న గ్రామపంచాయతీ కార్మికులకు శుక్రవారం సామాజిక కార్యకర్త, బీఆర్ఎస్ నాయకుడు పగడాల సైదులు యాదవ్ కుటుంబ సభ్యులతో కలిసి అన్నదాన కార్యక్రమం నిర్వహించారు. ఈ సందర్భంగా ఆయన మాట్లాడుతూ గ్రామంలో పారిశుద్ధ్య పనులు నిర్వహిస్తూ, తమ హక్కుల కోసం పోరాడుతున్న కార్మికుల సమస్యలను ప్రభుత్వం దృష్టికి దృష్టికి తీసుకెళ్తానని తెలిపారు. ఈ సందర్భంగా గ్రామ పంచాయతీ కార్మికులు ఆయనకు కృతజ్ఞతలు తెలిపారు