హైదరాబాద్‌: గ్రూప్‌-1 మెయిన్స్‌ను వాయిదా వేయాలని డిమాండ్‌ వ్యక్తం చేస్తూ తెలంగాణ మాల మహానాడు ఏపీపీఎస్సీని ముట్టడించింది. కార్యాలయం లోపలికి చొచ్చుకెళ్లేందుకు ప్రయత్నించిన ఆందోళనకారులను పోలీసుల  అడ్డుకున్నారు. దీంతో ఉద్రిక్తత నెలకొంది. ఏపీపీఎస్సీ హడావుడిగా ప్రిలిమ్స్‌ ‘కీ’ ని విడుదల చేయడం వల్ల 8 ప్రశ్నల్లో తప్పులు దొర్లాయని మాలమహానాడు అధ్యక్షుడు అద్దంకి  దయాకర్‌ ఆరోపించారు. ఈ నెల 3న జరగాల్సిన పరీక్షలను వాయిదా వేయాలని డిమాండ్‌ వ్యక్తం చేశారు. ఎపీపీఎస్సీ మొండిగా వ్యవహరించి పరీక్షలు నిర్వహిస్తే అడ్డుకుంటామని హెచ్చరించారు