నలుగుర మృతి అయిదుగురికి తీవ్ర గాయాలు
గుడిహత్నూర్: జూలై 8( జనం సాక్షి) గుడిహత్నూర్ మండలం జాతీయ రహదారిపై శనివారం తెల్లవారుజామున ఘోర రోడ్డు ప్రమాదం జరిగింది. ఈ ప్రమాదంలో నలుగురు మృతిచెందగా ఐదుగురికి తీవ్ర గాయాలయ్యాయి పోలీసులు తెలిపిన ప్రకారం అదిలాబాద్ జిల్లా కేంద్రం రవీందర్ నగర్ కు చెందిన శైలజ, పోచన్న, సోంబాయి, గంగు, మాడావి ప్రేమ్ సాగర్, మాడావి దీపక్, తేజ వర్ధన్, ఆరాధ్య, చిన్ని, వీళ్లంతా శుక్రవారం రాత్రి ఇచ్చోడ హోలీ మౌంటెన్ చర్చిలో ప్రార్థన కోసం వెళ్లారు తిరిగి తెల్లవారుజామున ఆటోలో వీళ్లంతా అదిలాబాద్ కు తిరిగి వెళుతుండగా మండలంలోని మేకల గండి సమీపంలో వీళ్లంతా వెళ్తున్న ఆటోను వెనుక నుంచి వస్తున్న గుర్తు తెలియని వాహనం ఆటోను బలంగా ఢీ కొట్టింది ఈ ప్రమాదంలో శైలజ(35) పొచ్చన్న(64), సోంబాయి(62), గంగు(50) సంఘటన స్థలంలోని మృతి చెందారు సంఘటన స్థలానికి చేరుకున్న పోలీసులు త్రివంగా గాయపడ్డ వారిని చికిత్స నిమిత్తం అదిలాబాద్ రిమ్స్ ఆస్పత్రికి అంబులెన్స్ లో తరలించారు సంఘటన స్థలానికి స్థానిక పోలీసులు చేరుకొని పంచనామ నిర్వహించారు జిల్లా ఎస్పీ ఉదయ్ కుమార్ రెడ్డి సంఘటన స్థలాన్ని పరిశీలించారు జాతీయ రహదారిపై ప్రమాదాలు జరగకుండా తగిన చర్యలు తీసుకోవాలని హైవే అధికారులకు సూచించారు ఈ ప్రమాదంలో ఆటో నుజ్జుయ్యంది ఈ మేరకు కేసు నమోదు చేసుకొని దర్యాప్తు చేస్తున్నామని ఎస్ ఐ ఎల్ ప్రవీణ్ కుమార్ తెలిపారు