చంద్రుని మించిన

అందాల మోముతో అరవిరిసిన కల్వ పూల కన్నుల బాల

మా ఇంట పండించావు రతనాల పంట

కాలాన్ని కరిగించి ప్రేమలు పంచావు

మా ఇంట నడయాడిన వేళ నీవు సౌభాగ్య లక్ష్మీ అయ్యావు

వసంతాల పూలజల్లుతో చందమామ కిరణాల జాలంతో

ఎదిగిన పూలరెమ్మలాగా అందమైన తీగకు పందిరి అలిన పూవుగా విరిసి

మల్లెపువ్వులా

నాజూకుగా పైపైకి ఎదిగిపోయిన

కాలం కనురెప్పల్లో నీవు జీవితానందాలను కురిపించిన పసిడి బొమ్మగా

చదువుల తల్లి వసంతకాలపు మమకారాలు అద్దిన నీవు

అమ్మానాన్నలకు మరువలేని అనుబంధాన్ని ప్రేమ తీగలను చుట్టి

కాపాడిన తల్లి నీ భాగ్యాల వల్లి ఎల్లప్పుడూ విజయలక్ష్మి గా అన్నింటిలో రాణించిన నీవు పతి సతులు ఇద్దరు ఆది దంపతుల్లా వెలగాలి

దీపావళి పర్వదినాల మీ ఇల్లే నవకాంతుల జాబిల్లిగా రాణించాలి

నీ నవ్వులే వెన్నెల పువ్వులై విరాధిల్లాలి తల్లిదండ్రులకు

మెట్టినింటికి పుట్టినింటికి ఒక వంతెనల

అనురాగ సిరులను కురిపించిన ఆదర్శ మహిళగా సంఘంలో రాణించావు

ఉద్యోగ సత్యోగాలలో నీకు నీవే సాటనిపించుకున్నావు

నయనాల తారవై నిలిచావు మా అందరికీ గుండెల్లో ఎడబాయని అనురాగాలు పంచిన తల్లి మా ఇంటికే కల్పవల్లివి నీవు వర్ధిల్లమ్మ వర్ధిల్లు

డాక్టర్ సిహెచ్ ఆంజనేయులు, ఖమ్మం భువనగిరి కోట 7702537453