సికింద్రాబాద్‌లో ఘోర రోడ్డు ప్రమాదం సంభవించింది. స్వాతంత్ర్య దినోత్సవ వేడుకల రిహార్సల్స్ కు వెళుతున్న డిగ్రీ విద్యార్థిని టిప్పర్ ఢీకొని దుర్మణం చెందింది. డిగ్రీ చదువుతున్న స్వప్న ఎన్ సీసీ కేడెట్ కొనసాగుతోంది. ఈ క్రమంలో ఈ నెల 15న జరగనున్న స్వాతంత్ర్య దినోత్సవ వేడుకల్లో పాలుపంచుకోనున్న స్వప్న, అందుకోసం రిహార్సల్స్ చేసుకునేందుకు బయలుదేరింది.
అదే సమయంలో వేగంగా వచ్చిన ఓ టిప్పర్ అదుపు తప్పి జనాలపైకి దూసుకెళ్లింది. స్వప్నను ఢీకొట్టింది. దీంతో స్వప్న తీవ్రంగా గాయపడి సంఘటనా స్థలంలోనే ప్రాణాలు కోల్పోయింది. ఈ ప్రమాదం నేపథ్యంలో రైల్ నిలయం పరిసరాల్లో పెద్ద ఎత్తున ట్రాఫిక్ స్థంబించింది. సమాచారం అందుకున్న పోలీసులు అక్కడికి చేరుకుని స్వప్న మృత దేహాన్ని పోస్టు మార్టం నిమిత్తం ప్రభుత్వ ఆస్పత్రికి తరలించారు. కేసు నమోదు చేసుకుని, విచారణ జరుపుతున్నారు.
