కరీంనగర్ బ్యూరో ( జనం సాక్షి ) :
సెప్టెంబర్ 2,3,4 వ తేదీలలో కరీంనగర్ లోని అంబేడ్కర్ ఇండోర్ స్టేడియంలో ఆటల్ బిహారీ వాజపేయి మెమోరియల్ కప్ జాతీయ స్థాయి కరాటే ఛాంపియన్ షిప్ పోటీలు జరగనున్నాయని కాయ్ జాతీయ సంయుక్త కార్యదర్శి, తెలంగాణ రాష్ట్ర ప్రధాన కార్యదర్శి ఈ శ్రీనివాస్ తెలిపారు . బుధవారం రోజు పోటీల బ్రోచర్, కప్ ను కరీంనగర్ పార్లమెంట్ సభ్యులు, బీజేపీ రాష్ట్ర అధ్యక్షుడు బండి సంజయ్ ఆవిష్కరించారు. ఈ సందర్భంగా ఈ శ్రీనివాస్ మాట్లాడుతూ జాతీయస్థాయి కరాటే పోటీలను విజయవంతంగా నిర్వహిస్తామని పేర్కొన్నారు. ఛాంపియన్షిప్ పోటీలకు కరీంనగర్ పార్లమెంటు సభ్యులు బండి సంజయ్ అందిస్తున్న సహకారం మరువలేనిదని పేర్కొన్నారు. కరీంనగర్ గడ్డ నుండి ప్రపంచ స్థాయి కరాటే ఛాంపియన్ లను తయారు చేస్తామని ధీమా వ్యక్తం చేశారు. ఈ కార్యక్రమంలో లో చీఫ్ ఆర్గనైజర్ అర్ ప్రసన్న కృష్ణా, బీజేపీ ఓబిసి రాష్ట్ర కార్యదర్శి మంతెన కిరణ్, కరాటే రాష్ట్ర ఉపాధ్యక్షడు మాడుగుల ప్రవీణ్, జిల్లా కోశాధికారి సురభి అవినాష్, ఎమ్. నవీన్, ఓబీసీ మోర్చ కలికోట మోహన్, వంగల రవి తదితరులు పాల్గొన్నారు.