సంగారెడ్డి జిల్లా కేంద్రంలో  మంగళవారం ఘనంగా  గౌడకులస్తుల బోనాల పండుగ నిర్వహించి అమ్మవారిని కొలిచారు. ఆషాడ మాసం కావడంతో జిల్లా గౌడ సంఘం అధ్వర్యంలో  మంగళవారం నిర్వహించిన బోనాల ఉత్సవాల్లో TSHDC ఛైర్మెన్ చింతా ప్రభాకర్, టిఆర్ఎస్ నాయకులు పాల్గొన్నారు. బోనాల ఊరేగింపు స్థానిక ఐటిఐ నుండి ఎఫ్ ఆర్ ఎస్ లోని అమ్మవారి దేవాలయం వరకు నిర్వహించారు.పోతురాజు విన్యాసాలు ,డప్పు చప్పుళ్లతో, దేవతల వేషధారణల నడుమ మహిళలు బోనాలతో ఊరేగింపు కొనసాగింది.ఈ

సందర్భంగా ప్రజలందరూ బాగుండాలని, సుభిక్షంగా పంటలుబాగా పండాలని,  ప్రజలంతా ఆయురారోగ్యాలతో ఉండాలని మొక్కులు తీర్చుకున్నారు.ఈ కార్యక్రమంలో పెద్ద ఎత్తున గౌడ సంఘం నాయకులు, మహిళలు పాల్గొన్నారు.ఈ కార్యక్రమంలో పెద్ద ఎత్తున గౌడ సంఘం జిల్లా నాయకులు నక్క నాగరాజు గౌడ్, ప్రభు గౌడ్, విజయేందర్ రెడ్డి, నరహరి రెడ్డి ,  బుచ్చిరెడ్డి, సంగారెడ్డి బీఆర్ఎస్ కౌన్సిలర్లు, మహిళలు తదితరులు పాల్గొన్నారు.