ఆత్మగౌరవం దెబ్బతీయాలనుకుంటే సహించేది లేదు.
తన అనుచరులను అనచి వేయాలనుకుంటే భవిష్యత్తు కార్యాచరణ తీవ్రంగా ఉంటుంది.
జూపల్లి వైఖరి మారకుంటే భవిష్యత్ కార్యాచరణ.
కాంగ్రెస్ పార్టీ నేత రంగినేని అభిలాషరావు.
నాగర్ కర్నూల్ బ్యూరో /కొల్లాపూర్,జనంసాక్షి:  ఇటీవల కాంగ్రెస్ పార్టీలో చేరిన మాజీ మంత్రి జూపల్లి కృష్ణారావు తన అనుచరులను అణిచివేసేందుకు కుట్రలు చేస్తున్నారని వాటిని మానుకోకపోతే భవిష్యత్ కార్యాచరణ తీవ్రంగా ఉంటుందని కాంగ్రెస్ పార్టీ నేత రంగినేని అభిలాషరావు అన్నారు మంగళవారం చిన్నంబావి మండల కేంద్రంలో నిర్వహించిన ముఖ్య కార్యకర్తల ఆత్మీయ సమ్మేళనంలో ఆయన మాట్లాడుతూ ఆత్మగౌరవం దెబ్బతీయాలనుకుంటే సహించేది లేదని అన్నారు. పార్టీ గెలుపే లక్ష్యంగా పిసిసి అధ్యక్షులు రేవంత్ రెడ్డి సూచన మేరకు కాంగ్రెస్ పార్టీలో చేరిన తాను నాటి నుండి నేటి వరకు క్రమశిక్షణ కలిగిన నాయకుడిగా ప్రజలలో చైతన్యం తీసుకువస్తూ పనిచేస్తున్న తమను అణిచివేసేందుకు జూపల్లి కృష్ణారావు ప్రయత్నాలు చేయడం జరుగుతుందని మండలంలో తమ అభిమానులను చిన్నచూపు చూస్తూ ఆయన వర్గీయులకు పెద్దపీట వేయడం తగదని రాబోయే ఎన్నికల్లో గెలుపే లక్ష్యంగా పనిచేయాలని ప్రధాన ఉద్దేశంతో ఆయన చేరికను స్వాగతించిన తాము పార్టీ కోసం పని చేస్తుంటే పార్టీని దెబ్బతీసే విధంగా జూపల్లి కృష్ణారావు వ్యవహరిస్తున్నారని వారంలోపు ఆయన వైఖరి మారకపోతే తన వైఖరి కూడా మార్చుకోవాల్సి ఉంటుందని అన్నారు.ఈ సమావేశంలో నాయకులు కార్యకర్తలు పాల్గొన్నారు.