టేకులపల్లి, జూలై 11( జనం సాక్షి ): టేకులపల్లి మండలంలో బంజారా గిరిజనులు ప్రతి తండాలో సాంప్రదాయంగా నిర్వహించే శీతల పండుగ ను ఎంతో ఉత్సాహంగా ప్రతి తండాలో అంగరంగ వైభవంగా భక్తిశ్రద్ధలతో ఆడుతూ పాడుతూ ఎంతో సంబరంగా ఘనంగా సీతల పండుగను జరుపుకున్నారు. మండలంలోని టేకులపల్లి, బేతంపూడి, 9వ మైల తండా, వెంకటయ్య తండా, గోలియా తండా, సింగ్యతండా, లచ్చ తండా, కోయగూడెం, ముత్యాలంపాడు క్రాస్ రోడ్డు, సులానగర్, బొమ్మనపల్లి, సీతారాంపురం, ప్రతి తండాలో, గ్రామంలో గిరిజన బంజారాలు ప్రతి ఏటా నిర్వహించే సీత్ల పండుగ ఎంతో సాంప్రదాయంతో భక్తి శ్రద్దలతో,పాటలు పాడుతూ,ఘురలో నాట్యం చేస్తూ ఎంతో సంబరంగా జరుపుకున్నారు. బంజారాలు సీతల భవాని, దాటుడు పండగగా దేవతలను మొక్కుతూ వర్షాలు సమృద్ధిగా కురిసి, పంటలు బాగా పండాలని,పశువులు బాగుండాలని,ఎంతో ఘనంగా పూజ కార్యక్రమాలు నిర్వహించారు.