వీర్నపల్లి, జూలై 08 (జనంసాక్షి): కంచర్ల గ్రామంలో శుక్రవారం అర్ధరాత్రి గుర్తు తెలియని వ్యక్తులు ఇంటి తాళం పగులగొట్టి బీరువాలోని 150,000 రూపాయల నగదు, 1 తులం బంగారం దొంగిలించారని బాధితురాలు బండి నాగలక్ష్మి తెలిపారు. పోలీస్ స్టేషన్ లో పిర్యాదు చేయగా, ఎస్ఐ నవత సంఘటన స్థలానికి చేరుకుని దర్యాప్తు చేశారు. డాగ్ స్క్వాడ్, ఫింగర్ ప్రింట్, టవర్ డంప్ ల సహాయంతో క్లూస్ సేకరించినట్లు తెలిపారు. తొందరలోనే దొంగలను పట్టుకుంటామని ఆమె అన్నారు.