సిరికొండ : నిజామబాద్‌ జిల్లా సిరికొండ మండలంలోని తూంపల్లి, వన్నాజీపేట్‌ గ్రామాల్లో నేటి తెల్లవారుజామున వడగళ్లవాన కురిసి బీభత్సం సృష్టించింది. తూంపల్లిలో దాదాపు వంద మందికి చెందిన 300ఎకరాల విస్తీర్ణంలో వరిపంట దెబ్బతింది. గోప్యానాయక్‌ తాండాలో రెండు పూరిళ్ల పైకప్పులు లేచిపోయాయి. తాండాలోని ప్రథమిక పాఠశాల వంటగది పైకప్పు రేకులు ఎగిరి పొలాల్లో పడ్డాయి. మామిడి చెట్ల కాపు రాలిపోవటంతో పాటు కొమ్మలు విరిగిపోయాయి. పంట నష్టరిహారాన్ని రెవెన్యూ, వ్యవసాయ అధికారులు అంచనా వేస్తున్నారు. చేతికి అంది వచ్చిన వరిపంట వడగళ్లు పడి పాడవటంతో బాదిత రైతులు పంట చేల వద్ద విలపి స్తున్నారు. మండలంలోని ఉన్నాజీపేట్‌ గ్రామంలోనూ వందెరాలకు పైగా వరిపంట వడగళ్లు ధాటికి దెబ్బతింది.
