న్యూఢిల్లీ : తెలంగాణ రాష్ట్రం త్వరలోనే వస్తుందని ఆశిస్తున్నామని మంత్రి శ్రీధర్‌బాబు తెలిపారు. తెలంగాణ కాంగ్రెస్‌ నేతలు ఈరోజు ఉదయం హోంమంత్రి షిండేతో భేటీ ఆయిన అనంతరం మాట్లాడుతూ హైదరాబాద్‌తో కూడుకున్న తెలంగాణను వెంటనే ప్రకటించాలని షిండేను కోరామని తెలిపారు. ఏ కోణంలో చూసినా తెలంగాణ రాష్ట్రం ఏర్పడాల్సిన అవశ్యకత ఉందని చెప్పామన్నారు. తాము చెప్పిన అంశాలన్నీ షిండే సావధానంగా విన్నారని శ్రీధర్‌బాబు చెప్పారు.