మునిపల్లి, మే 03, జనంసాక్షి: మండలంలోని పెద్దలోడి గ్రామానికి చెందిన కలాల్ నరేందర్ గౌడ్ తన ఫోన్ (రూ.25వేల విలువ చేసే వన్ ప్లస్ నార్డ్ ) ను గత ఏడాది పెద్దలోడి గ్రామంలో పోగొట్టుకున్నాడు. అయితే అప్పట్లో ఆన్లైన్ ద్వారా మీసేవలో దరఖాస్తు చేసుకున్నాడు. ప్రస్తుతం ప్రతిష్టాత్మకంగా తీసుకువచ్చిన సెంట్రల్ ఎక్విప్మెంట్ ఐడెంటి రిజిస్టర్ (సిఈఐఆర్) ద్వారా పోగొట్టుకున్న మొబైల్ ఫోన్ను బుధవారం నాడు బాధితునికి స్థానిక ఎస్ఐ రాజేశేఖర్ అందజేశారు. ఈ సందర్బంగా ఎస్ఐ మాట్లాడుతూ ఎక్కడైతే ఫోన్లు దొంగలించినా.. ఫోన్లు పోగొట్టుకున్న వారు తమ దృష్టికి తీసుకు వస్తే సిఈఐఆర్ ద్వారా మొబైల్ను కనుక్కోవడం జరుగుతుందన్నారు. అలాగే ఫోన్లు పోయాయని, ఎవరు అధైర్య పడొద్దని సిఈఐఆర్తో కనుకునేందుకు అవకాశం ఉందన్నారు. అనంతరం పోన్ దొరికేందుకు కృషి చేసిన ఎస్ఐ రాజశేఖర్కు, పోలీస్ సిబ్బందికి బాధితుడు ప్రత్యేక ధన్యవాదాలు తెలిపారు.
