– ఆటో,కారు ఢీ …ఐదుగురి దుర్మరణం
ఎడపల్లి: నిజమాబాద్‌ జిల్లాలో రోడ్డు ప్రమాదం జరిగింది. ఎడపల్లి మండలం రాణాకలాన్‌ శివారులో జరిగిన ప్రమాదంలో ఐదుగురు దుర్మరణం పాలయ్యారు . ఎదురెదురుగా వస్తున్న కారు-ఆటో ఢీకొనడంతో ఈ ప్రమాదం జరిగింది. కారు వేగంగా ఢీకొనడంతో ఆటోలో ఉన్న ఒకరు అక్కడికక్కడే మృతిచెందగా.. మరోముగ్గురు ఆస్పత్రికి తరలిస్తుండగా, మరొకరు ఆస్పత్రిలో చికిత్స పొందుతూ మరణించారు . మృతిచెందిన వారిని జక్కం గంగమ్మ (65), కల్లేపురం సాయిలు (10), జక్కం బాలమణి (55), చిక్కెల సాయిలు (60)గా గుర్తించారు . ఆటో డ్రైవర్‌ నయీం (25) ఆస్పత్రిలో చికిత్స పొందుతూ మృతిచెందాడు. ఈ ఘటనపై ఎడపల్లి ఎస్సై ఎల్లాగౌడ్‌ కేసు నమోదు చేసి దర్యాప్తు చేస్తున్నారు .