విశాఖపట్నం,మే10(జ‌నం సాక్షి):  రాష్ట్రంలో పాలిటెక్నిక్‌ కోర్సుల్లో ప్రవేశానికి నిర్వహించిన పాలిసెట్‌-2018 పరీక్ష ఫలితాలు గురువారం విడుదలయ్యాయి. విశాఖలోని వైవీఎస్‌ మూర్తి ఆడిటోరియంలో విద్యాశాఖ మంత్రి గంటా శ్రీనివాసరావు ఫలితాలను విడుదల చేశారు. ఏప్రిల్‌ 12న పాలీసెట్‌ నిర్వహించగా.. ఫలితాలను రికార్డు సమయంలో విడుదల చేసినట్లు మంత్రి తెలిపారు. ఈ పరీక్షను 1,29,412 మంది విద్యార్థులు రాయగా.. 80.19 శాతం ఉత్తీర్ణత నమోదైనట్లు వెల్లడించారు.