ఇస్లామాబాద్‌: పెషావర్‌ మరోసారి రక్తమోడింది. ఐక్యరాజ్యసమితి కార్యాలయం సమీపంలో ముష్కరులు కారు బాంబుతో దాడికి దిగారు. ఈ ఘటనలో ముగ్గురు మృతి చెందగా 12 మందికిపైగా గాయపడ్డారు.ఆబ్దారా రోడ్డులోని ఐక్యరాజ్యసమితి శరణార్థుల హైకమిషనర్‌ కార్యాలయం సమీపంలో అమెరికా రాయబార కార్యాలయానికి చెందిన వాహనాన్ని పేలుడు పదార్థాలతో ఉన్న కారుతో  దుండగులు ఢీకొట్టించారు. ఈ ఘటనలో సమీపంలోని ఇతర వాహనాలు, ఇళ్లు ధ్వంసమయ్యాయి. ఘటనాస్థలానికి చేరుకున్న భద్రాతా సిబ్బంది సహాయక చర్యలు చేపట్టారు.