ప్రజలంతా సమరశీల పోరాటాలకు సిద్ధం కావాలి

హుజూర్ నగర్ జులై 4 (జనంసాక్షి): తెలంగాణ రైతాంగ సాయుధ పోరాటాన్ని స్ఫూర్తి తీసుకొని నేటి కేంద్ర, రాష్ట్ర ప్రభుత్వాల నిరంకుశ విధానాలను వెనక్కి నెట్టేందుకు ప్రజలంతా సమరశీల పోరాటాలకు సిద్ధం కావాలని సిపిఎం పార్టీ జిల్లా కార్యదర్శి వర్గ సభ్యులు నాగారపుపాండు ప్రజలకు పిలుపునిచ్చినారు. మంగళవారం ఈ సందర్భంగా ఆయన మాట్లాడుతూ తెలంగాణ రైతాంగ సాయుధ పోరాటంలో 12 లక్షల ఎకరాల భూములను పేదలకు పంపకానికి దొడ్డి కొమరయ్య మరణం ప్రధాన కారణమని, ఆనాడు ఈ పోరాటంలో 4000 మంది అమరులయ్యారు అన్నారు. వారికి సిపిఎం పార్టీ ఈ సందర్భంగా ఘనంగా నివాళులర్పించారు. ఈ కార్యక్రమంలో జిల్లా కమిటీ సభ్యులు పల్లె వెంకటరెడ్డి, దుగ్గి బ్రహ్మం, మండల కార్యదర్శి పోసనబోయిన హుస్సేన్, సిఐటియు జిల్లా ఉపాధ్యక్షులు శీలం శ్రీను, పాశం వెంకటనారాయణ, అబ్రహం, చిన్న వీరమల్లు, చింతకాయల శంభయ్య, చరణ్ తదితరులు పాల్గొన్నారు.