చెన్నూరు కాంగ్రెస్ పార్టీ నాయకులు డా. రాజా రమేష్

రామకృష్ణాపూర్, (జనంసాక్షి) : చెన్నూరు నియోజకవర్గ ప్రజలు కాంగ్రెస్ పార్టీ పై చూపుతున్న అభిమానం మాటల్లో చెప్పలేనిదని చెన్నూరు కాంగ్రెస్ పార్టీ నాయకులు డాక్టర్ రాజా రమేష్ బాబు అన్నారు. మంగళవారం చెన్నూరు నియోజకవర్గంలోని మందమర్రి పట్టణంలో గల కొరెగట్టు ఆంజనేయ స్వామి ఆలయంలో కాంగ్రెస్ పార్టీ గెలుపుకు స్థానిక ముఖ్య నాయకులు మొక్కులు చెల్లించుకుని, అన్నదాన కార్యక్రమాన్ని నిర్వహించారు. ఈ కార్యక్రమానికి ముఖ్య అతిథిగా చెన్నూరు కాంగ్రెస్ పార్టీ నాయకులు డాక్టర్ రాజా రమేష్ బాబు హాజరై ప్రత్యేక పూజా కార్యక్రమాలు నిర్వహించడం జరిగింది. ఈ సందర్భంగా ఆయన మాట్లాడుతూ చెన్నూరు లో కాంగ్రెస్ పార్టీ గెలవాలని పార్టీ నాయకులు, కార్యకర్తలు చేస్తున్న కృషి, పూజల ఫలితంగా చెన్నూరు లో కాంగ్రెస్ జెండా ఎగురవేయడం ఖాయం అని ధీమా వ్యక్తం చేశారు. ప్రస్తుతం బిఆర్ఎస్ ఎమ్మెల్యే బాల్క సుమన్ అరాచక పాలన నుండి ఈ నియోజకవర్గ ప్రజల విముక్తి కోసం పోరాటం జరుగుతుందని, సుమన్ ను తరిమికొడితే తప్ప ఇక్కడ ప్రజలకు బానిస సంకెళ్ళ విముక్తి కలగదని అన్నారు. రానున్న రోజుల్లో కాంగ్రెస్ పార్టీ అధికారం లోకి రానుందని, కాంగ్రెస్ అధికారం లోకి వచ్చిన అనంతరం ప్రజా సంక్షేమం కోసం అనేక పథకాలు ప్రవేశపెట్టి, ప్రజాభీష్టం మేరకు పాలన సాగించడం జరుగుతుందని తెలిపారు.
ఈ కార్యక్రమంలో మందమర్రి మండల బ్లాక్ కాంగ్రెస్ అధ్యక్షుడు గోపతి రాజన్న, మండల అధ్యక్షుడు కడారి జీవన్, వేల్పుల సత్యం, జీ ఎస్ ఆర్ ఫౌండేషన్ సభ్యులు, భక్తులు తదితరులు పాల్గొన్నారు.