టేకులపల్లి, జనవరి 27( జనం సాక్షి ): పరీక్షల కారణంగా విద్యార్థుల్లో ఎదురయ్యే ఒత్తిడిని జయించేందుకు ప్రధాని నరేంద్ర మోడీ విద్యార్థులకు దిశానిర్దేశం చేస్తూ వర్చువల్ గా నిర్వహించిన కార్యక్రమమే పరిక్షా పే చర్చ. ఈ సందర్భంగా మండల కేంద్రంలోని కేజీబీవీ పాఠశాలలో, జెండాల తండాలోని పాఠశాలలో,టేకులపల్లి లోనిప్రభుత్వ హైస్కూల్లో శుక్రవారం జరిపిన ఎల్ డి టీవీలో పరీక్ష పే చర్చ కార్యక్రమాన్ని విద్యార్ధులు, ఉపాధ్యాయురాళ్లు పాల్గొని వీక్షించారు. ఈ కార్యక్రమంలో దేశవ్యాప్తంగా ఉన్న విద్యార్థులను ఉద్దేశించి ప్రధానమంత్రి నరేంద్ర మోడీ పరీక్షల్లో ఒత్తిడిని ,ఎలా ఎదుర్కోవాలో విద్యార్థులకు దిశా నిర్దేశనం చేశారు. విద్యార్థులు ప్రశాంతమైన మనసుతో పరీక్షలు రాయాలని, అలా రాస్తేనే సత్ఫలితాలు వస్తాయని ప్రధానమంత్రి నరేంద్ర మోదీ తెలిపారు.చిన్నారులకు గెలుపోటములను సమానంగా తీసుకోవడం నేర్పించాలని తల్లిదండ్రులకు సూచించారు.పరీక్షా పే చర్చ కార్యక్రమంలో మోదీ మాట్లాడారు.ఈ సందర్భంగా చిన్నారులు అడిగిన ప్రశ్నలకు ఆయన సమాధానాలిచ్చారు.‘జీవితంలో సమయపాలన అనేది చాలా కీలకం. పిల్లలపై చదువుకోవాలనే ఒత్తిడి పెంచొద్దు. క్రికెట్‌లో ప్రతి బంతిని ఫోర్‌, సిక్స్‌ కొట్టడం ఎవరికీ సాధ్యం కాదు. ఉత్సాహపరచడం వల్ల పిల్లలు మరింత బాగా చదువుతారు’’ అని మోదీ అన్నారు. ఈ కార్యక్రమం లో కేజీబీవీ పాఠశాల ఉపాధ్యాయురాలు పార్వతి, టేకులపల్లి ప్రభుత్వ హైస్కూల్ ప్రధానోపాధ్యాయులు బద్రు, జెండాలు తండా పాఠశాల ప్రధానోపాధ్యాయులు వాంకుడోత్ హాథిరాం,ఉపాధ్యాయులు, విద్యార్థిని, విద్యార్థులుపాల్గొన్నారు.
