గద్వాల నడిగడ్డ,, మే 22 (జనం సాక్షి);శాంతిభద్రతల పరిరక్షణ లో భాగంగా ప్రజల సమస్యల పరిష్కారానికి పోలీస్ శాఖ చిత్తశుద్ధితో పని చేస్తుందని, బాధితులకు అండగా ఉంటు ఫిర్యాదుల పై వెంటనే చర్యలు తీసుకోవడం జరుగుతుందని జోగులాంబ గద్వాల జిల్లా ఎస్పీ కె. సృజన అన్నారు.సోమవారము జిల్లా పోలీస్ కార్యాలయం లో ప్రజావాణి సందర్భంగా వివిధ సమస్యల పై వచ్చిన 15 ప్రజా ఫిర్యాదులను జిల్లా ఎస్పీ స్వీకరించారు. ఈ సందర్భంగా ఎస్పీ ప్రజావాణి లో బాధితుల నుండి వచ్చిన ఫిర్యాదుల పై ఆయా పోలీసు స్టేషన్ల అధికారులతో మాట్లాడుతూ, పోలీసు పరిధిలోని ప్రతి అంశాన్ని పరిష్కరించడం, బాధితులకు న్యాయం చేయడంలో వేగంగా చర్యలు తీసుకోవాలని పోలీస్ అధికారులను ఎస్పీ ఆదేశించారు. పిర్యాదు దారులు సివిల్ వివాదాలను కోర్టులోనే పరిష్కరించుకో వలసిందిగా వారికి సూచించారు.బాధితులకు ఖచ్చితంగా న్యాయం జరుగుతుందని తెలియజేస్తూ చట్టవ్యతిరేకంగా వ్యవహరిస్తూ శాంతిభద్రతల పరిస్థితులకు భంగం కలిగించేవారి పట్లకఠినంగా వ్యవహరించాలని అధికారులను ఆదేశించారు.వచ్చిన ఫిర్యాదులలోభూ వివాదాలకు సంబంధించి 9,మిస్సింగ్ కు సంబందించి 2 ,గొడవలకు సంబంధించి 1 ,సైబర్ క్రైమ్ కు సంబంధించి 1,ఇతర అంశాలకు సంబంధించి 2 పిర్యాదులు వచ్చినట్లు సృజన తెలిపారు.
