శివ్వంపేట ఆగస్ట్ 11 జనంసాక్షి : యువత ప్రభుత్వ ఉద్యోగం రాలేదని నిరుత్సాహానికి గురికాకుండా స్వశక్తితో ఎదగాలని అప్పుడే సమాజంలో ప్రత్యేక గుర్తింపు లభిస్తుందని జిల్లా ఆర్థిక ప్రణాళిక సంఘం సభ్యుడు, స్థానిక జెడ్పిటిసి పబ్బా మహేష్ గుప్తా అన్నారు. మండల పరిధిలోని పెద్దగొట్టిముక్ల గ్రామానికి చెందిన కొతోల్లా శాంతమ్మ  కొంతకాలంగా అనారోగ్యంతో బాధపడుతున్న విషయం కేడర్ ద్వారా తెలుసుకున్న జడ్పిటిసి మానవతా దృక్పథంతో గురువారం బాధిత కుటుంబాన్ని పరామర్శించి తన స్వంత డబ్బులు 5 వేల రూపాయల ఆర్థిక సహాయం అందజేశారు. మండల పరిధిలోని పిల్లుట్ల గ్రామానికి చెందిన గణేష్ మండల పరిధిలోని పెద్దగొట్టిముక్ల గ్రామంలో మెకానిక్ షాప్ ను ఏర్పాటు చేసుకున్నారు. పార్టీ శ్రేణుల పిలుపుమేరకు జడ్పిటిసి అక్కడికి చేరుకొని గణేష్ కు చెందిన మెకానిక్ షాపును ప్రారంభించారు. ఈ సందర్భంగా పెద్దగొట్టిముక్ల ఉప సర్పంచ్ నవీన్ మాట్లాడుతూ ఆపదలో క్షణార్థులకు జడ్పిటిసి అండగా నిలబడుతూ వారిని ఆర్థికంగా ఆదుకోవడం జరుగుతుందన్నారు. రూపాయి ఖర్చు చేయడానికి వెనుక ముందు ఆలోచించే ఈ రోజులలో జెడ్పిటిసి పబ్బా మహేశ్ గుప్తా లక్షలాది రూపాయల తన సొంత డబ్బులను పేదల కోసం ఖర్చు చేయడం జరుగుతుందన్నారు. ఈ కార్యక్రమంలో సర్పంచ్ శ్రీనివాస్ గౌడ్, పాక్స్ డైరెక్టర్ వీరేష్, నాయకులు రాంచంద్రం, ఆంజనేయులు, పోచయ్య, నాగరాజు, సురేష్, సాయి, అజయ్, కొండల్, విజయ్,  కృష్ణ లు గ్రామస్తులు పెద్ద సంఖ్యలో ఉన్నారు.