బెల్లంపల్లి, జులై 15, (జనంసాక్షి )
బెల్లంపల్లి పట్టణంలోని కాల్టెక్స్ ఫ్లైఓవర్ బ్రిడ్జిపై రెండు బైకులు ఎదురుదురుగా ఢీకొన్న ఘటనలో ఇద్దరికి తీవ్ర గాయాలయ్యాయి. వివరాల్లోకి వెళితే బెల్లంపల్లి పట్టణంలోని రడగంబాల బస్తీకి చెందిన అయ్యారం లక్ష్మణ్, కాసిరెడ్డి పల్లికి చెందిన అభయ్ కుమార్ బైకులపై ఫ్లైఓవర్ బ్రిడ్జి మూలమలుపు వద్ద ఎదురుదురుగా ఢీకొన్నారు. ఈప్రమాదంలో అయ్యారం లక్ష్మణ్ తలకు గాయాలు కాగా, అభయ్ కుమార్ కాళ్ళు, చేతులు, ముక్కుకు గాయమైంది. గాయపడిన క్షతగాత్రులను వెంటనే స్థానిక ప్రభుత్వ ఆసుపత్రికి తరలించారు. ప్రాథమిక వైద్యం చేసిన స్థానిక వైద్యులు మెరుగైన చికిత్స కోసం మంచిర్యాల తరలించారు. ఈమేరకు బెల్లంపల్లి టూటౌన్ పోలీసులు కేసు నమోదు చేసి దర్యాప్తు చేస్తున్నారు.