నవీపేట గ్రామీణం: రోడ్డు ప్రమాదంలో భార్యాభర్తలిద్దరూ గాయపడిన సంఘటన మండలంలోని అబ్బాపూర్‌ ఎం గ్రామ మూల మలుపు వద్ద చోటుచేసుకుంది. సత్య నారాయణ, స్వప్న దంపతులు ఈ ప్రమాదంలో తీవ్రగాయాలయ్యారు. నవీ పేట నుంచి జానకం పేట వెళ్తున్న డీసీఎం వ్యాను సత్యనారాయణ ద్విచక్రవాహనాన్ని ఢీకొట్టడంతో ఈ ప్రమాదం జరిగినట్లు స్థానిక ఎస్సై సుధాకర్‌ తెలిపారు. భార్యాభర్త లిద్దరినీ స్థానికులు ఆసుపత్రికి తరలించారు. బాధితుల ఫిర్యాదు మేరకు కేసునమోదు చేసి దర్యాప్తు చేస్తున్నట్లు ఎస్సై తెలిపారు.