వేమనపల్లి,జూలై 12,(జనంసాక్షి): మూడు రోజులుగా కురుస్తున్న వ‌ర్షాల‌ మూలంగా వేమనపల్లి మండలం దస్నాపూర్ గ్రామంలో ఇంటి గోడ కూలిపోయింది. ఆ సమయంలో ఇంట్లో నిద్రిస్తున్న గరమందుల అనసూర్య(56),కూతురు వెంకమ్మ(35) పెను ప్ర‌మాదం తప్పింది.నిత్యం కూలి పనిచేస్తూ జీవనం సాగిస్తున్న అనసూర్య కు కుమారులు, కూతురు ఉన్నారు.బుధవారం తెల్లవారుజామున నిద్రిస్తున్న సమయంలో ఒక్కసారి ఇంటిగోడ పడిపోయింది.
దీంతో ఇంటి పెంకులు,ఇతర వస్తువులన్నీ పూర్తిగా ధ్వంసమయ్యాయి.స్థానికులు‌ రెవెన్యూ అధికారులకు సమాచారం అందించటంతో డిప్యూటీ తహసిల్దార్ సంతోష్ అదేశాల మేరకు రెవెన్యూ ఇన్‌స్పెక్టర్‌ లక్ష్మణ్ సందర్శించి,బాధిత కుటుంబ సభ్యులను పరామర్శించి ప్రభుత్వ పరంగా అన్ని విధాలుగా ఆదుకుంటామని హామీ ఇచ్చారు.