ఘనంగా స్వాగతం పలికిన నేతలు

విశాఖపట్టణం,ఆగస్ట్‌14(జ‌నం సాక్షి): ప్రజా సంకల్ప యాత్ర పేరుతో ప్రతిపక్ష నేత వైఎస్‌ జగన్‌ చేస్తున్న పాదయాత్ర మంగళవారం విశాఖ జిల్లాలోకి ప్రవేశించింది. ఉదయం తూర్పుగోదావరి జిల్లా నుంచి పాదయాత్ర ప్రారంభించిన జగన్‌.. నర్సీపట్నం నియోజకవర్గ పరిధిలోని నాతవరం మండలం గన్నవరం మెట్టు గ్రామంలోకి అడుగుపెట్టడం ద్వారా విశాఖ జిల్లాలోకి ప్రవేశించారు. దీంతో జిల్లాకు చెందిన వైకాపా నేతలు, కార్యకర్తలు ఆయనకు ఘనస్వాగతం పలికారు. ఆ పార్టీ ఎంపీ విజయసాయిరెడ్డి, నేతలు గుడివాడ అమర్‌నాథ్‌, వరదు కల్యాణి సహా భారీ సంఖ్యలో కార్యకర్తలు ఈ పాదయాత్రలో పాల్గొన్నారు. నేటితో జగన్‌ పాదయాత్ర 237 రోజుకు చేరింది. ఈరోజు ఆయన గన్నవరం మెట్ట, శరభవరం, శృంగవరం, గాంధీనగర్‌, వై.దొండపేట జంక్షన్‌ విూదుగా యర్రవరం జంక్షన్‌ వరకు పాదయాత్ర చేయనున్నారు. విశాఖ జిల్లాలో 13 నియోజకవర్గాల విూదుగా ఆయన పాదయాత్ర కొనసాగనుంది.

——————